چپہ ڈنڈی میں خوفناک سڑک حادثہ ‘ایک جوڑا جاں بحق

چپہ ڈنڈی ۔ 22دسمبر (اعتماد نیوز ) چپہ ڈنڈی ضلع کریم نگر میں پیش آئے سڑک حادثہ میں ایک مسلم جوڑا برسرموقع ہلاک ہوگیا۔ تفصیلات کے مطابق 28سالہ شیخ سمیع ساکن عامر نگر کریم نگر اپنی اہلیہ 24سالہ اسماء آفرین کے ہمراہ موٹر سائیکل پر چپہ ڈنڈی سے کریم نگر آرہے تھے کہ موضع لکمی کنٹہ پر موٹر سائیکل اور ایک کار میں تصادم ہوگیا۔ جس کے نتیجہ میں شیخ سمیع اور اسماء آفرین برسرموقع ہلاک ہوگئے ۔ حادثہ اس قدر خوفناک تھا کہ موٹر



سائیکل کے پرخچے اڑگئے۔ شیخ سمیع تین ماہ قبل ہی دوبئی سے آئے تھے ۔ معتمد ضلع مجلس کریم نگرسید غلام احمد حسین ‘ شریک معتمد ٹاون مجلس معزالدین قادری نے مقام واقعہ کا دورہ کیا اور سرکل انسپکٹر چپہ ڈنڈی سے بات کی ۔ محمد عباس سمیع صدرٹاون مجلس کریم نگر و سابق ڈپٹی میئر نے پوسٹ مارٹم کی جلد از جلد انجام دہی کے لئے نمائندگی کی۔ اس موقع پر سید قمرالدین ‘ بابو جانی ‘ یزدانی ‘ شیخ یعقوب ‘ عبدالغفور اور دوسرے موجود تھے۔